Да се живее здраво – Тучница 2

Тучницата е лековито, диво растение кое за жал од незнаење, го сметаме за коров. Но, тучницата е растение богато со Омега-3 масни киселини, одличен антиоксиданс, го регулира холестеролот во крвта, слузта на ова растение смирува инфекција и воспаление во цревата и инфекции на мочните патишта, влијае противвоспалително, добар е за желудникот. Тучницата обилно ни се дарува во дворовите, градините, бавчите, покрај патиштата … инвазивно растение е, не бара внимание, богато со нутриенти и лековито. Салата од тучница ни подготви г-ѓа Весна Милетиќ, главен шеф на ресторанот „Тач“ во Загреб и една од најдобрите готвачки во светот. Весна во амбиентот на својот шармантен ресторан ни покажа како на брз и едноставен начин да подготвиме здрав оброк. Со кадри од море, Велебит, растенија и животни препознаваме дека сме дел од природата.